Америкалық Wabtec компаниясы енді Қазақстандағы «Локомотив құрастыру зауыты» АҚ локомотив құрастыру зауытының жалғыз иесі атанып, акцияларын толығымен бақылайтын болды, — деп хабарлайды Tengrinews.kz тілшісі Railway Supply сайтына сілтеме жасап.
Былтырғы қазан-желтоқсандағы есептерге сәйкес, Wabtec ЛҚЗ акцияларының тағы 50 пайызын 81 миллион долларға сатып алды. Осыған дейін компания «Трансмашхолдинг» АҚ-мен акциялардың жартысына ие болған.
«Бұл қадам 2023 жылдың қарашасында Қазақстанда өзара түсіністік туралы меморандумдарға қол қойылғаннан кейін жасалды. Осы құжаттарда көрсетілген барлық мәміле орындалған жағдайда Wabtec-тің Қазақстанға жабдықты жеткізуден түсетін пайдасы 2 миллиард доллар болады деп күтіледі», – деп жазды портал.
Өз кезегінде Қазақстанның ұлттық теміржол компаниясы ҚТЖ 240 Wabtec локомотивін сатып алу үшін америкалық Citibank-тен 900 миллион доллар қарыз алып, локомотив паркінің 15 пайызын жаңартуды жоспарлап отыр.
