«Алтын Орда» базары маңындағы жолайырық құрылысы қашан аяқталады?

«Қазавтожол» ҰК» АҚ «Алтын Орда» базары ауданындағы жол құрылысын аяқтау мәселесіне қатысты пікір білдірді, — деп хабарлайды Tengrinews.kz тілшісі.

Айта кетейік, құрылысшылар былтыр желтоқсанда «Алтын Орда» базары маңындағы үлкен көпір құрылысы аяқталғанын хабарлаған болатын. Алайда «Асыл Арман» тұрғын үй кешенінен шыға берістегі екінші жол өтпесі мен Райымбек ауылы маңындағы жаяу жүргіншілер өткелі аяқталмай қалды.

Қазір ол жерде құрылыс жұмыстары жүргізіліп жатқан жоқ. Алматы-Бішкек бағыты бойында орналасқан «Асыл Арман» тұрғын үй кешенінің тұрғындары қалаға шыққанда және кері қайтқанда тек айналма жолдармен қатынауға мәжбүр.

«Асыл Арман тұрғын үй кешені тұрғындарының Алматы қаласына қарай кедергісіз шығуы үшін «Алматы-Бішкек» автожолында «құбыр» үлгісіндегі жолайрық (18+700 шақырым) және Райымбек ауылына бұрылыстағы қосымша жаяу жүргіншілер көпірін (19+860 шақырым) салу үшін жеке жоба («Алтын-Орда» жобасына кірмейтін) әзірленді және 2020 жылдан бастап жоба бойынша құрылыс-монтаждау жұмыстары басталды. Жолайрықтың жалпы ұзындығы 264 метр. Қазіргі уақытта жоба бойынша шарттық міндеттемелер орындалмауына байланысты мердігерлік ұйыммен шарт бұзылып, барлық өндірістік жұмыс тоқтады», — деді «Қазавтожол» өкілі.

Компания өндірістік рәсім аяқталғаннан кейін нысандағы жұмысты 2022 жылдың аяғына дейін аяқтау үшін мердігерді анықтауға конкурс өтетінін айтты.

Еске салайық, жолайрық пен 10 жолақты тасжол Алтын Орда маңында 2017 жылдың күзінде салына бастаған болатын. Алматыдағы «Алтын Орда» базары маңындағы жолайрықта көлік қозғалысы 2021 жылдың 25 желтоқсанында ашылды.

Мемлекет қазынасына ауыз салу елге жасалған ең ауыр қастандық – Президент 

Қасым-Жомарт Тоқаев Мемлекет қазынасына ауыз салу, Конституцияның талаптарын аяққа таптау – елге жасалған ең ауыр қастандық екенін айтты.

Послание в диалоге с гражданами 

ДЕПУТАТЫ КУРУЛТАЯ ОТ ВСЕХ ФРАКЦИЙ ПРОВЕЛИ 155 ВСТРЕЧ С...

Елімізде ағаштың кей түрлерін экспорттауға тыйым салынуы мүмкін 

ҚР Өнеркәсіп және құрылыс министрлігі тиісті бұйрық жобасын жариялап, 4 желтоқсанға дейін қоғамдық талқылауға ұсынды.

Қазақстан жылыжай көкөністерінің импортын арттырып келеді 

Ұлттық статистика бюросының (ҰСБ) мәліметінше, суық маусымда Қазақстанның импорттық көкөністерге деген қажеттілігі жоғары деңгейде қалып отыр. Өткен қыста шетелден жеткізілген қияр көлемі қараша және желтоқсан айларында күрт өскен. Бұл үрдіс 2026 жылдың алғашқы айларында да жалғасын тапты.

Ресей мен Украина бітімге келе ме: Қазақстан үшін келіссөздің маңызы қандай? 

Өткен аптада, тоғыз айлық үзілістен кейін, Украина мен Ресей АҚШ-тың делдалдығымен Абу-Дабиде келіссөз үстеліне қайта отырды. Екі күнге созылған кездесуде тараптар әскери тұтқындарды айырбастау жөнінде алдын ала уағдаласқанымен, аумақтық мәселе мен қауіпсіздік кепілдіктеріне қатысты ортақ шешімге келе алмады.