Алматы қаласының туған күнін мерекелеу аясында Алатау ауданы КМҚК №76 бөбекжай балабақшасында ерекше іс-шара өтті. «Алматым — жүрегімде» атты фестиваль-концерт жас бүлдіршіндердің өнерін паш етті.
Балабақша тәрбиеленушілері өздерінің сүйікті әндерімен, тақпақтарымен, би өнерімен көпшілікті тәнті етті. Әсіресе, балалардың қаланың тарихы мен мәдениетін дәріптейтін шығармашылығы көрермендердің жүрегіне жол тапты.
Шара барысында әр жас топтың орындауында түрлі жанрдағы әндер шырқалды. Балалардың өнері мен шеберлігі көрермендерге ерекше әсер қалдырып, үлкендер мен кішілердің жүректерін біріктірді. Сонымен қатар, балалардың орындаған тақпақтары мен билері мерекелік атмосфераны толықтырды, әр бүлдіршіннің жанынан қалтқысыз мейірім мен қуаныш сезімі байқалды.
Қала күніне арналған фестиваль-концерт Алматы қаласының өсіп-өркендеуіне үлес қосып келе жатқан жас ұрпақтың өнерге, мәдениетке, қала тарихына деген қызығушылықтарын арттыруға бағытталған маңызды іс-шара болды. Бұл іс-шара арқылы балабақша тәрбиеленушілері өз қаласын, оның әсем табиғатын, мәдениетін дәріптеп қана қоймай, болашақта өнер саласында да өздерінің айшықты ізін қалдыруға ынталы екендіктерін көрсетті.
.Мерекелік шараны ұйымдастырушылар мен қатысушылар өздеріне арналған осы сәтті естелік ретінде ұзақ уақытқа сақтап, Алматының туған күніне өз үлестерін қосты.
