Алматы қаласы санитарлық-эпидемиологиялық бақылау департаменті басшысының орынбасары Сәдуақас Байғабылов футбол матчіна билет сатуға рұқсат берілмейтінін айтты, — деп хабарлайды Tengrinews.kz тілшісі.
«Қайрат» футбол клубы билеттерді сатылымға шығарғаны туралы ақпарат пайда болды. Алматы «сары» аймақта орналасқан. «Қызыл» және «сары» аймақта орналасқан өңірлерде көрермендер жиналауына рұқсат етілмейді. Тек «жасыл» аймақта және 20 пайыздан аспауы қажет. Біз «қызыл» және «сары» аймақ шекарасында екенімізді ескеруіміз керек», — деді Байғабылов.
Бұған дейін «Қайрат» футбол клубы Орталық стадионда «Жетісумен» өтетін ойынға билет сатылымын жариялағаны хабарланған еді.
Матч 13 наурызда Орталық стадионда өтеді деп жоспарланды. Клуб өкілдері жанкүйерлердің 30 пайызына көрермен ретінде келуге рұқсат етілгенін айтқан еді.
