Алматыда қоғамдық көліктерде маска тағу режимін бақылау күшейтілді. Ал автобус жүргізушілеріне жолаушыларды маскасыз салонға кіргізбеу немесе оларды түсіріп кету тапсырылды, — деп хабарлайды Tengrinews.kz тілшісі қала әкімінің баспасөз қызметіне сілтеме жасап.
Бұған дейін басқарма қызметкерлері қоғамдық көліктерде рейд жүргізіп, тек ескерту жасай алатын. Қазір мониторинг тобы санитарлық ережелерді бұзғандарға айыппұл салып, шара қолдануға құқылы.
«Автобустар мен метрода маска тағу қажеттілігі туралы ақпараттық аудиохабарлама жасалады. Жүргізушілерге жұмыс уақытында міндетті түрде маска тағу, маскасыз жолаушыларды салонған кіргізбеу және қажет болған жағдайда түсіріп кету туралы тапсырма берілді. Көлік холдингі қызметкерлері де карантин кезінде санитарлық нормаларды бұзушыларға ескерту жасап, автобустан түсіру туралы тапсырма алды»,-делінген хабарламада.
