Қонаев қаласының Орталық алаңында Қазақстан Республикасының Мемлекеттік рәміздер күніне орай кең ауқымды салтанатты іс-шара өтті.
Аталған мерекелік жиынға Алматы облысының әкімі, құқық қорғау және арнайы мемлекеттік органдардың басшылары, күштік құрылымдардың өкілдері, әскери қызметшілер, ардагерлер мен қала тұрғындары қатысты.
Салтанатты іс-шараға Алматы және Жетісу облыстары бойынша Қылмыстық-атқару жүйесі департаментінің басшылығы мен жеке құрамы да белсене қатысты.
Мерекелік рәсім Мемлекеттік Туды көтеру салтанатымен басталып, Мемлекеттік Әнұранның орындалуымен жалғасты. Іс-шара барысында мемлекеттік рәміздердің ел бірлігі мен тәуелсіздіктің негізгі нышандары ретіндегі мәні кеңінен насихатталды.
ҚАЖ қызметкерлері салтанатты жиын барысында құқық қорғау және өзге де мемлекеттік органдар өкілдерімен бірге мемлекеттік рәміздерге құрмет көрсетіп, елдік құндылықтарды дәріптеуге бағытталған іс-шараға қатысу арқылы қызметтік жауапкершілік пен патриоттық ұстанымын айқын көрсетті.
Мемлекеттік рәміздер – Тәуелсіз Қазақстанның егемендігі мен тұтастығын білдіретін қасиетті нышандар.
