Алматы қаласының Әдеп жөніндегі уәкілдеріне мемлекеттік қызметшілерге құмар ойын мекемелеріне баруға тыйым салынғандығы және құмар ойындарға және (немесе) бәс тігуге қатысу бойынша сыбайлас жемқорлыққа қарсы шектеулерді қабылдайтындығы түсіндірілді
Мемлекеттік қызмет істері агенттігінің Алматы қаласы бойынша департаменттің ұйымдастырумен Алматы қаласының Әдеп жөніндегі уәкілдеріне және персоналды басқару қызметінің қызметшілеріне арнап семинар өткізілді.
Сонымен қатар, кездесуде мемлекеттік қызметшілердің әдеп нормаларын сақтау және мемлекеттік қызмет заңнамасына жаңадан енгізілген өзгерістер мен толықтырулар бойынша түсіндірме жүргізді.
Бұдан бөлек, мемлекеттік қызметшілерге құмар ойын мекемелеріне баруға тыйым салынғандығы және алдағы уақытта бақылау жүргізілетіні, сондай-ақ мемлекеттік қызметшілермен осы тұрғыда сыбайлас жемқорлыққа қарсы шектеулерді қабылдау туралы атап өтілді.
Мемлекеттік қызметшілердің Әдеп Кодексіне түсіндірмелермен, тәжірибеде қолдануға арналған ұсынымдармен таныстырылды.
Мемлекеттік қызметшілердің жұмыс барысында мемлекеттік қызметке қабылдану бойынша өзгерістер, мемлекеттік қызметте сыбайлас жемқорлыққа жол бермеу мәселелері бойынша және қызмет барысында туындаған сұрақтарға жауап берілді.
Мемлекеттік қызметшілерге түсіндірме жұмыстары алдағы уақытта жалғасады.
Мемлекеттік қызмет істері агенттігінің Алматы қаласы бойынша департаменттің бас маманы А.А. Тасов
