Қазақстан Республикасы Президентінің 2015 жылғы 29 желтоқсандағы№ 153 Жарлығымен бекітілген Әдеп жөніндегі уәкіл туралы Ережеге сәйкес, Әдеп жөніндегі уәкіл – қызметтік әдеп нормаларының сақталуын және мемлекеттік қызмет, сыбайлас жемқорлыққа қарсы іс-қимыл туралы заңнама мен Қазақстан Республикасы мемлекеттік қызметшілерінің әдеп кодексін (бұдан әрі – Әдеп кодексі) бұзушылықтардың профилактикасын қамтамасыз ету қызметін жүзеге асыратын, сондай-ақ өз функциялары шегінде мемлекеттік қызметшілер мен азаматтарға консультация беретін мемлекеттік қызметші.
Әдеп жөніндегі уәкіл өз қызметінде «Қазақстан Республикасының мемлекеттік қызметі туралы», «Сыбайлас жемқорлыққа қарсы іс-қимыл туралы» Қазақстан Республикасының заңдарын, Әдеп кодексін, осы Ережені, сондай-ақ Қазақстан Республикасының өзге де заңнамалық актілерін басшылыққа алады.
Алматы қаласы бойынша 33 Әдеп жөніндегі уәкілдері қызмет атқарады, сонымен қатар Алматы қаласы әкімі аппаратында Әдеп жөніндегі уәкілдің лауазымы дербес белгіленген.
Әдеп жөніндегі уәкілдердің жұмысы, ең алдымен, алдын алу қағидаттарына негізделген, этикалық құқық бұзушылықтарды анықтауға, жолын кесуге және оларға жол бермеуге бағытталған. Оған — мемлекеттік қызметшілер мен азаматтар арасында сауалнама жүргізу, жеке консультациялар, жеке қабылдаулар өткізу, өтініштерді талдау, қызметшілерге қатысты жағымсыз жарияланымдарға мониторинг жүргізу, БАҚ-та түрлі мақалалар мен материалдар жариялау кіреді.
Әдеп жөніндегі уәкіл мемлекеттік қызметшілердің құқықтары мен мүдделерін қорғап, жұмыс орнында этикалық нормаларды сақтау мақсатында профилактикалық шаралар өткізіліп, мемлекеттік қызметшілерге 30-дан аса консультациялық көмек тұрақты түрде көрсетіледі. Ұжымда жалпы қабылданған моральдық-этикалық нормаларға сәйкес келетін өзара қарым-қатынас мәдениетін қалыптастыру мақсатында Әдеп жөніндегі уәкілдерімен 40-ға жуық профилактикалық іс-шаралар өткізілді, 150-ден аса мемлекеттік қызметші қамтылды.
Сонымен қатар, Әдеп жөніндегі уәкіл өз қызметінің нәтижелері бойынша есептерді уәкілетті органға ұсынады. Бұл есептер әдеп нормаларын сақтау, қызметкерлердің тәртібі және мемлекеттік органдардағы моральдік ахуал бойынша мониторинг жүргізу үшін маңызды.
Бұдан бөлек, 2024 жылы қызметтік әдеп нормаларын бұзу фактілері бойынша 15 мемлекеттік қызметші тәртіптік жауапкершілікке тартылды (2023 жылы –26), оның ішінде аумақтық мемлекеттік органдарында – 9 (2023 жылы –21), жергілікті атқарушы органдарында – 6 (2023 жылы –5), бұл 2023 жылмен салыстырғанда бұзушылықтардың 57,6%-ға төмендегенін көрсетеді.
Департаментпен Әдеп жөніндегі уәкілдердін жұмыстарын үйлестіру тұрақты түрде жүргізуліде.
Мемлекеттік қызмет істері агентігінің Алматы қаласы бойынша департаментінің бас маманы Д. Олжабаев