Алматы қаласының Полиция департаменті полицейлерге қанша электрсамокат сатып алынатынын хабарлады, — деп хабарлайды Tengrinews.kz тілшісі.
Департамент электрсамокаттағы патрульдер ауа райы тұрақталған кезеңнен бастап көшелерге шығатынын айтты. Полиция қызметкерлері саябақтар мен алаңдардағы тәртіпті бақылайды.
«Сондай-ақ, патруль Сайран көлі, Есентай, Алматы өзендерінің жағалауларында жұмыс істейді», — деп хабарлады ПД өкілдері.
20 электросамокат сатып алу жоспарланған. Оған жұмсалатын нақты сома әлі анықталған жоқ.
«Қазіргі уақытта электросамокаттарды сатып алуға жоспарланған ақша сомасы нақтыланған жоқ», — деп түсіндірді ведомство өкілі.
Айта кетейік, ақпанның басында Алматы полиция департаментінің бастығы Қанат Таймерденов қала полицейлері электрсамокатпен жүретінін мәлімдеген болатын.
