Алматы және Жетісу облыстары бойынша ҚАЖД № 57 мекеме қызметкерлері облыстың шалғай аудандарында болып, жоғары сынып оқушыларымен және ауыл шаруашылығы колледжінің студенттерімен үгіт-насихат кездесулерін өткізді.
Болашақ түлектерге Ш.Қабылбаев атындағы ҚР ІІМ Қостанай Академиясының тарихы мен білім беру мүмкіндіктері, сондай-ақ ішкі істер органдарында қызмет ету артықшылықтары туралы айтылды. Кездесулер барысында оқуға түсу тәртібі, талапкерлерге қойылатын талаптар, оқу және бітіргеннен кейін қызмет өткеру шарттары егжей-тегжейлі түсіндірілді.
Үгіт — насихат шаралары ауылдық жерлерде оқушылардың едәуір санын қамтуға мүмкіндік берді, бұл жастардың құқық қорғау органдары саласында жоғары білім алу мүмкіндіктері туралы хабардарлығын арттыруға ықпал етеді.
