Алматы қаласы, Алматы және Жетісу облыстары бойынша ҚАЖ Департаменті 2023-2025 жылдарға арналған мекемелердегі жағдайды сауықтыруға арналған Жол картасын жүзеге асыру аясында, колонияларда кәсіпорындар ашуға байланысты қарқынды жұмыстар атқарылуда.
Осы жұмыстар нәтижесінде, Жауғаштыдағы №10 әйелдер мекемесінде «Байжуманова И.М.» атты полипропилен жібінен тігілетін қап цехының ашылу салтанатты шарасы өтті.
Сонымен қатар, колонияларға орта және кіші бизнес өкілдерін тарту мақсатында Дөңгелек үстел үйымдастырылды. Іс-шараға қатысқан кәсіпкерлік басқармасының, Іле және Қарасай аудандарының Атамекен палатасының және РМКФ «Еңбек-Жауғашты өкілдері, одан басқа ҚАЖ Департаментінің сотталғандардың еңбегін ұйымдастыру бөлімінің қызметкерлері сотталған әйелдердің қолымен жасалған өнімдерден жасалған көрмені тамашалап, мекемедегі бос ғимараттарды аралады.
