Алматы және Жетісу облыстары бойынша ҚАЖ Департаментінің Ұйғыр аудандық пробация қызметі мен аудандық прокуратура бірлесіп есепте тұрған сотталғандармен жұмыс кездесуін өткізді.
Талқылаудың негізгі тақырыбы әкімшілік және қылмыстық құқық бұзушылықтардың алдын алу, қылмыстардың қайталануын болдырмау, сондай-ақ сотталғандардың жазаны өтеудің және сот жүктеген міндеттерді орындау тәртібін сақтау мәселелері болды.
Кездесу барысында құқық қорғау органдарының өкілдері сотталғандарға олардың құқықтары мен міндеттерін түсіндіріп, пробация қызметінің талаптарын сақтаудың маңыздылығына назар аударды. Қайта әлеуметтендіру, жұмысқа орналастыру және әлеуметтік оңалту бағдарламаларына қатысу мүмкіндіктеріне ерекше назар аударылды.
Мұндай іс-шаралар қылмыстың қайталану деңгейін төмендетуге, сотталғандардың құқықтық сауаттылығын арттыруға және олардың қоғамға қайта әлеуметтенуге ықпал етеді.
