Денсаулық сақтау министрі Алексей Цой Қазақстанда қанша адам вакцина салдырғанын мәлімдеді, — деп хабарлайды Tengrinews.kz тілшісі.
Қазіргі уақытта вакцинация жүргізу үшін 347 егу пункті жұмыс істеп тұр. Бүгінге дейін 76 188 адам екпе салдырды.
Вакцина көлемінің ай сайын ұлғаюын ескере отырып, аумақ әкімдері вакцинаны сақтау және тасымалдау шарттарын сақтап, қосымша егу кабинеттеріне таратып, халықты вакцинациялауды даярланған мамандармен қамтамасыз етуі қажет.
Халықты коронавирус инфекциясына қарсы профилактикалық екпелермен қамту иммунитетті қалыптастыруға және инфекцияның таралуын болдырмауға мүмкіндік береді.
Айта кетейік, Қазақстанда вакцина өндірушілермен жүргізілген келіссөздерді ескере отырып, биыл шамамен 12 миллион доза вакцина алу жоспарланған.
