Алдағы аптада өтетін маңызды спорттық жарыстар

Туризм және спорт министрлігі 16–22 маусым аралығында өтетін жарыстар кестесін жариялады, — деп хабарлайды Massaget.kz тілшісі.

• 16–23 маусым аралығында семсерлесуден Азия чемпионаты өтеді. Ел құрамасынан 23 спортшы қатысады. Өтетін орны: Нуса Дуа қаласы, Индонезия.
• 16–23 маусым аралығында көркем гимнастикадан юниорлар арасындағы әлем чемпионаты өтеді. Жарыста отандық 7 спортшы бақ сынайды.  Өтетін орны: София қаласы, Болгария.
• 16–24 маусым аралығында жағажай волейболынан Азия чемпионаты өтеді. Турнирге Қазақстан құрамасы да қатысады. Өтетін орны: Рой-Эт қаласы, Таиланд.
• 18–19 маусым аралығында күрес түрлерінен 23 жасқа дейінгі жастар арасында Азия чемпионаты өтеді. Ел намысын 30 палуан қорғайды.  Өтетін орны: Вунгтау қаласы, Вьетнам.
• 18–21 маусым аралығында спорттық гимнастикадан ерлер арасындағы Әлем кубогі кезеңі өтеді. Жарысқа отандық 6 гимнаст қатысады. Өтетін орны: Ташкент қаласы, Өзбекстан.
• 18–26 маусым аралығында пара пауэрлифтингтен Әлем кубогі өтеді. Қазақстан құрамасынан 10 спортшы сынға түседі. Өтетін орны: Бейжің қаласы, Қытай.
• 20–21 маусымда велотректен халықаралық жарыс өтеді. Турнирде 4 велошабандозымыз өнер көрсетеді. Өтетін орны: Котбус қаласы, Германия.
• 21–22 маусымда жеңіл атлетикадан халықаралық турнир өтеді. Қазақстан құрамасынан 2 спортшы қатысады. Өтетін орны: Ташкент қаласы, Өзбекстан.