Алматы қаласы Білім басқармасына қарасты Алатау ауданы ҚМҚК №76 бөбекжай-балабақшасында 11 сәуір күні «Құзыреттілік орталықтарының тірек мектептерге арналған ашық есік күні» аясында кең көлемді іс-шара ұйымдастырылады.
Іс-шара барысында жапондық педагогикалық тәжірибелер, жұмысшы мамандықтарының маңызы және экологиялық сана қалыптастыру бағыттары қамтылады.
Құзыреттілік орталықтары – сапалы білім мен тәрбие кепілі
Іс-шараның негізгі мақсаты – мектепке дейінгі білім беру ұйымдарында жұмыс істейтін құзыреттілік орталықтарының жұмысымен тірек мектептердің педагогтерін таныстыру, тәжірибе алмасу және оқыту процесін жетілдіру. Балалардың коммуникативтік, шығармашылық, танымдық дағдыларын дамытуға арналған орталықтарда ашық сабақтар мен шеберлік тренингтері өткізіледі.
Іс-шараға :Қалалық мектепке дейінгі ресурстық орталық, Алатау ауданы бойынша тірек мектептердің басшылары,басшы орынбасарлары, Алматы қаласы МДҰ Құзреттілік орталықтарының басшылары,педагогтері қатысты.
