Зерделі (бұрынғы Алғабас) шағынауданындағы үйлердің қисаюы бойынша тергеу бір жылдан аса уақыт бойы жүргізіліп келеді. Алматы прокуратурасы тергеудің неге ұзаққа созылғанын түсіндірді, — деп хабарлайды Tengrinews.kz тілшісі.
Прокуратура өкілдері сарапшының қосымша материалдарды ұсыну туралы өтінішіне байланысты 2020 жылы тағайындалған қосымша сот-құрылыс сараптамасы тоқтатылғанын хабарлады.
«Жоғарыда көрсетілген сараптама нәтижесі болмай күдікті тұлғаларға мәртебе беру мәселесі және істі сотқа жіберуге ерте. Қылмыстық-процестік кодекстің 201-бабы бойынша «сотқа дейінгі тергеу деректерін жария етуге жол бермеу» талаптарына сәйкес сотқа дейінгі тергеу деректері жария етілмейді», — деді Алматы прокуратурасындағылар.
Сонымен қатар, Алғабастағы ғимараттардың бірінің қасбеті құлаған еді. Онда үйлер мәселесі шешілмеген күйінде қалды.
