Биылғы жаңа жыл қарсаңында ІІМ Алматы академиясының бастығы Қалижан Қобландин жеті бала тәрбиелеп отырған ананың үйіне барып, балаларды Жаңа жыл мерекесімен құттықтап, оларға кішігірім сыйлықтар берген болатын. Сол кезде академия басшысы бұл отбасының ауыр тұрмысын көріп, болашақта да оларға қолдан келгенше қолдау көрсетуді ұйғарған еді. Содан бері академия қызметкерлері мүмкіндігінше осы отбасына көмектесіп келеді.
Жеті перзенттің анасы Гулсара әлі кішкентай балаларының тәрбиесімен де, үй шаруасымен де өзі ғана айналысады. Сондықтан кез келген көмек ол үшін өте маңызды.
Бұл жолы академия басшысы курсанттармен бірге барып, оларға мұқтаж жандарға қайырымдылық пен қамқорлық жасаудың үлгісін көрсетті. Олар отбасыға әкелген көмірді түсіріп, реттестіріп берді.
Қасиетті рамазан айында ананың ақ батасын алу әрдайым ерекше сезім сыйлайтыны анық, Курсанттар халыққа қызмет ету — ең алдымен адамдарға көмектесуден, қарапайым жақсы істерден басталатынын сезініп қайтты.
2026 жылғы 25 қыркүйек – Қазақстан Республикасындағы Жалпыұлттық аза тұту күні
ZANMEDIA.KZ – Қоғамдық-саяси, құқықтық сайт. Заң газетінің бас редакторы: Айнұр Сембаева Тел.: +7 701 122 0940 Бас редактор: Қ.Ермекова Тел: +7 777 407 5511 Мекен-жай: Алматы қ., Досмұхамбетов 68 Б. Жарнама беру үшін: 8 708 929 98 74 +7 701 276 8989 E-mail: zanreklama@mail.ru.
© Меншік иесі: "ЗАҢ" Медиа-корпорациясы" ЖШС
