Төртінші мәрте өткізіліп отырған шараға Қазақстан мен Ресейден келген агроөнеркәсіп мамандары қатысуда.
ҚР Ауыл шаруашылығы министрлігі дерегінше, екі күндік басқосуға 8 мыңнан астам қатысушы – шаруалар, инвесторлар, ғылым, бизнес жəне мемлекеттік органдардың өкілдері қатыспақ. – AGROFEST – ауыл шаруашылығына адал, ел игілігі үшін күн сайын еңбек етіп жүргендерді біріктіретін бірегей алаң. Бүгін біз Мемлекет басшысы айқындаған міндетке сай – егін өнімділігін екі еселеу жəне ауыл шаруашылығын экономиканың негізгі драйверіне айналдыру жолында жұмыс істеуіміз қажет. Ол үшін барлық бағытта алға жылжуымыз керек – цифрландырудан бастап техника жаңғыртуға, мал шаруашылығын дамытуға, нарықтарды кеңейту мен инвестиция тартуға дейін, – деді фестивальдің ашылуында ҚР Ауыл шаруашылығы вице-министрі Бағлан Бекбауов.
Е.КЕБЕКБАЙ, «Заң газеті»
