Абай облысы Үржар ауданында қайғылы жағдай болды, — деп хабарлайды Massaget.kz тілшісі.
Бестерек ауылында кәмелетке толмаған балаларды көлік қағып, салдарынан үш бала көз жұмды. Тағы үш балаға дәрігерлер көмек көрсетіп жатыр.
«Президенттің тапсырмасымен Астанадан Денсаулық сақтау министрлігінің дәрігерлері Қорғаныс министрлігінің әскери-көлік авиациясымен жеткізілді. Қаза тапқандардың отбасыларына жерлеу рәсімін ұйымдастыруға қажет қолдау, сондай-ақ, психологиялық және материалдық көмек көрсетіледі. Оқиға орнында облыс әкімінің орынбасарының үйлестіруімен арнайы топ жұмыс істеп жатыр. Жағдай облыс басшылығының ерекше бақылауында», — деп жазылған әкімдік хабарламасында.
Айта кетейік, БАҚ мәліметіне сүйенсек, балалар үйдің маңында ойнап жүрген кезде көлік қағып кеткен. Көлік жүргізушісі қамауға алынған.
