Абай облысы ҚАЖ әйелдер колониясында ұлы ақын әрі ойшыл Абай Құнанбайұлының рухани мұрасын дәріптеуге арналған іс-шара өтті.
Абай облысындағы ҚАЖ жүйесінің әйелдер колониясында сотталған әйелдердің қатысуымен ұлы ақын әрі ойшыл Абай Құнанбайұлының рухани мұрасын дәріптеуге арналған мерекелік іс-шара ұйымдастырылды.
Іс-шара барысында қатысушылар Абайдың өмірі мен шығармашылығы туралы айтып, оның өлеңдері мен «Қара сөздерінен» үзінділер оқыды, сондай-ақ әндер орындады. Ұлы ойшылдың ағартушылық және адамгершілік көзқарастарына, оның адамгершілік, білім, еңбек және руханият туралы идеяларына ерекше назар аударылды.
Абайдың мұрасы – халқымыздың рухани дүниесінің алтын қазығы. Ұлы ақынның шығармалары адамды білімге, еңбекке, ізгілікке және үнемі өзін-өзі жетілдіруге үндейді.
Осындай рухани-танымдық іс-шаралар сотталған әйелдердің шығармашылық қабілеттерін дамытуға, ұлттық құндылықтарды дәріптеуге, сондай-ақ олардың қоғамға сәтті қайта бейімделуі мен әлеуметтенуіне ықпал етеді.
Абай сөзі – ұрпаққа аманат, халыққа рухани мұра!
