Абай Құнанбайұлы — қазақ халқының ұлы ақыны, ағартушысы, әрі қазақ әдебиетінің негізін қалаушы.
Абай 1845 жылғы 10 тамызда қазіргі Абай облысында дүниеге келген. Оның шын аты — Ибраһим. Ол әділеттілігімен, ақыл-парасатымен, терең білімділігімен елге ерте танылды. Ол тек ақын ғана емес, сонымен бірге қоғам қайраткері, философ, аудармашы ретінде де үлкен із қалдырды.
2025 жылы оның туғанына 180 жыл толып отыр. Бұл – ұлт руханияты үшін тарихи маңызды, ерекше дата. Абайдың 180 жылдық мерейтойы – ұлт үшін рухани жаңғырудың тағы бір қадамы. Бұл дата – Абай мұрасын қайта зерделеп, ұлы тұлғаны тереңірек танып-білуге мүмкіндік беретін сәт.
Абайдың өлеңдері мен қара сөздері адамгершілік, адалдық, білім, еңбек сияқты мәңгілік құндылықтарды насихаттайды. Оның “Қара сөздері” — терең философиялық ойларға толы ұлы еңбек. Абайдың шығармашылығы – қазақ халқының мәдениеті мен рухани әлемінің асыл қазынасы.
Сонымен қатар, Абай орыс әдебиетінің классиктерін қазақ тіліне аударып, Пушкин, Лермонтов, Крылов сынды алыптардың шығармаларын қазақ халқына танытты.
Абай тек өткеннің ақыны емес, бүгіннің де, болашақтың да рухани көшбасшысы. Қазіргі таңда да Абайдың идеялары өзектілігін жойған жоқ.
Абайды ұлықтау – тек бір ақынды мадақтау емес, ол – ұлттың өзін, тарихы мен мәдениетін қастерлеу. Сондықтан Абайды тану – өзімізді тану!
Абай облысы Семей қаласының
мамандандырылған ауданаралық
тергеу сотының судьясы
Игишев Б.Е.