Жамбыл облысында 2025 жыл «Кітап оқу жылы» болып жариялануына орай Жамбыл облысы кәмелетке толмағандардың істер жөніндегі мамандандырылған ауданаралық сотында «Әулие-Ата кітап оқитын өңір» атты жоба аясында қызықты кездесу өтті.

Іс-шараға Тараз қалалық кітапханасының өкілдері және кітап сүйер судьялар мен соттың мемлекеттік қызметшілері қатысты.

Іс-шара барысында кітапхана өкілдері кітаптар жинағын әр жанрда ұсынды. Барлық қатысушылар белсенділік танытып, қызығушылық білдіріп, судьялар мен сот қызметкерлеріне оқу, тану мақсатында бірнеше кітаптар үлестірілді. Мысалы Қ.Жолдыбайұлының — «Кемел Адам», «Абайдың қара сөздері», А.Эльдердің – «Трейдинг», А.Бектің – «Волоколамское шоссе» сияқты шығармалары ұжым мүшелерімен оқуға алынды.

Кітапхана өкілдері кітаптарды әр қатысушыға 1 ай мерзімге берілгендігі, сонымен қатар 1 ай мерзім өткен соң кімнің қандай деңгейде кітаптың ішкі мазмұнын танып білгендігіне қарай оған сәйкес сый-сияпаттар күтетіндігі жайлы айтып жеткізді.

         Өткізілген кездесу соңында қатысушылар кітапхана қызметкерлеріне алғыс айтып, алдағы уақытта да осындай кездесулердің жиі өткізіліп тұру қажеттігі жайлы ортақ пікірге келді.

Өз тілшіміз