Мәдениет және ақпарат министрлігі жанындағы Отбасын қолдау орталықтарының жұмысын жетілдіру жөніндегі жобалық офисінің жетекшісі Фарида Сағындық, Отбасын қолдау орталықтарының қызметі және FSM social бағдарламасын енгізу туралы айтып берді.
Тренингтің мақсаты – ОҚО (Отбасын қолдау орталықтары) қызметкерлерінің кәсіби біліктілігін арттыру, сондай-ақ қиын өмірлік жағдайға тап болған отбасыларға сапалы көмек көрсету үшін ведомствоаралық үйлестіруді жақсарту.
«Аталған санатқа пробация қызметінің есебінде тұрғандар және ҚАЖ мекемелерінен босатылған адамдар да кіреді. Сондықтан бұл бағытта ҚАЖ қызметкерлерінің құзыреттілігі аса маңызды. Олар мұқтаж азаматтарға дер кезінде ОҚО туралы ақпарат беріп, сапалы көмек көрсетуге атсалысуы қажет», – деді жобалық офис жетекшісі.
Қазіргі таңда Ақмола облысының аумағында 7 Отбасын қолдау орталығы жұмыс істейді, ал жыл соңына дейін тағы 13 орталықты ашу жоспарланып отыр.
