2023 жылдың 20 ақпан күні Түркістан облысы дін істері басқармасының «Дін мәселелерін зерттеу орталығы» КММ Түркістан облысы мәдениет басқармасының «Оңтүстікфильм» КММ және «Түркістан облыстық «Фараб» әмбебап ғылыми кітапханасы» КММ және арасындағы ынтымақтастық туралы меморандумға қол қойылды.
Меморандумды дін саласындағы мемлекеттік саясатты және өз өкілеттіктері шеңберінде бірлескен жобаларды тиімді іске асыру мақсатында жасалынып отыр.
Дін саласы, руханият, ұлттық құндылықтар және облысымыздағы діни тұрақтылықты қамтамасыз ету, жастарды жат ағымдардың ықпалынан сақтау және де ақпараттық-танымдық жобаларды бірлесе отырып дайындау және оны қалың көпшілікке ұсыну арқылы түрлі форматтағы жобалар әзірлеу меморандумның басты мақсаты болып табылады.
Меморандум аясында өскелең жас ұрпақтың бойында рухани, патриоттық сананы қалыптастыру, облысымыздың тарихи-мәдени ерекшелігін ескере отырып, алдағы уақыттарда атқарылу керек іс-шаралар жоспарланып, нақтыланды.
