Түлкібас аудандық полиция бөліміне жергілікті тұрғындардың бірі ақшасы ұрланғаны жөнінде шағымданды. Жәбірленуші өз арызында үйіне келген танысы, 100 000 теңгесін жымқырып, қашып кеткенін жеткізді. Оқиға орнына шыққан жедел-тергеу тобы қажетті іздестіру жұмыстарын жүргізді.
Қабылданған шаралардың нәтижесінде полицейлер күдікті, Түлкібас ауданының тұрғынын анықтады. Белгілі болғандай, екі таныс бірге ішімдік ішкен.
Нәтижесінде күдікті жәбірленушінің қаражатын қарызын қайтару үшін байқатпай ұрлап кеткен. Айғақты зат ретінде ұрланған ақшаның бір бөлігі тәркіленді.
Аталған жайт ҚР ҚК-нің 188-бабы 1-бөлігі «Ұрлық» бойынша тіркеліп, сотқа дейінгі тергеу амалдары жүргізіледі.
Түркістан облысы ПД баспасөз қызметі
