Ағымдағы жылдың желтоқсан айының 12-15 аралығында темір жол және әуе көлік объектілерінде тиісті қоғамдық тәртіпті сақтау, қылмыстардың алдын алу және жолын кесу мақсатында, Қызылорда ст. ЖПб қызмет ету аймағында «Құқықтық тәртіп» жедел-профилактикалық іс-шарасы өткізілуде.
Қызылорда станциясындағы желілік полиция бөлімінің қызметкерлерімен іс-шараның бірінші күні барлығы 16 әкімшілік құқық бұзушылық деректері анықталды. Оның ішінде қоғамдық орында алкогольдік өнім қолдану немесе қоғамдық орынға мас күйінде келгені үшін ҚР ӘҚБтК-нің 440-бабымен 8-азаматқа, тыныштықты бұзу бойынша ҚР ӘҚБтК-нің 437-бабымен 1-азаматқа, ҚР ӘҚБтК-нің 434-бабымен ұсақ бұзақылық жасағаны үшін 1-азаматқа, ҚР ӘҚБтК-нің 441-бабымен ҚР заңнамасымен тыйым салынған орында темекі өнімін қолданғаны үшін 1-азаматқа, кәмелетке толмағандардың заңды өкілсіз тұрғын-жайдан тыс жерде болуына байланысты ҚР ӘҚБтК-нің 442-бабы 2-бөлігімен 1-жасөспірімнің заңды өкіліне және басқа да әкімшілік құқық бұзушылық жасағандары үшін 4-азаматқа қатысты әкімшілік құқыбұзушылық туралы хаттамалар толтырылды.
