Ағымдағы жылдың 2 желтоқсанында, Астана қаласы бойынша ҚАЖ Департаментінің №2 мекемесінде жазасын өтеп жүрген, діни ұстанушы сотталғандармен жалпы кездесу өтті.
Аталған кездесуге Астана қаласы бойынша ПД экстремизімге қарсы іс-қимыл басқармасының жедел уәкілі полиция капитаны Айдос Рүстемұлы Басибековпен полиция капитаны Уалихан Ахметұлы Картанов, Астана қаласы «Ақниет» ақпараттық-үгіттеу бейімдеу орталығының теолг маманы Сагынай Қабдулуахитұлы Рахымжан қатысты.
Кездесу барысында сотталғандарға діни ақпараттық-түсіндіру жұмыстары өткізілді, сонымен қоса ІІМ 08.08.2014 жылғы №503 бұйрығымен бекітілген қағидаларды сақтау туралы дәлірек айтсақ, нұсқаулықтың 11-тармақағы (діни рәсімдерді жатын орынның жанында жеке орындауға жол беріледі), намазды ұжымдық оқу бөлігінде және діни «жамағаттар» деп аталатындарды қалыптастыруды болдырмау жайлы сотталғандармен профилактикалық сұхбат жүргізілді.
Жоғарыда көрсетілген кездесуді өткізу кезінде, «Ақниет» ҚҚ теолог маманы С.Қ.Рахымжан сотталғандармен сұхбат құра отырып мекеме ішіндегі тәртіпке бағынып күн тәртібін бұзбай нұсқаулыққа сәйкес жеке оқылған намазда көптеген сауап әкелетіні туралы айтты. Аталған кездесуге 40-тан астам сотталған қатысты.
