Ақтөбе облысы бойынша ҚАЖ департаментіне қарасты №8 түзеу мекемесіндегі жазасын өтеушi сотталғандар «Нокин» мәдениет үйi өнерпаздарының «Ән көңілдің ажары» кезекті концерттік бағдарламасын тамашалады.
Өз кезегінде, «Нокин» мәдениет үйiнiң өнерпаздары әдемі әндерімен жазасын өтеушiлерге көтеріңкі көңіл- күй сыйлады.
Түзеу мекемесіндегі тәрбие бөлімі қызметкерлерінің айтуынша, мұндай іс- шаралар түзеу мекемелеріндегі тәрбие жұмысының негізгі бағытының бiрi. Яғни, аталған іс- шаралар мекемедегі жазасын өтеуші сотталғандардың түзелуіне, мәдени деңгейін арттыруға бағытталған.
Гүлфайруз Төремұратова,
Ақтөбе облысы бойынша ҚАЖ департаментінің баспасөз хатшысы
