Алматы облысының Заречный кентінде кәсіптік-техникалық колледжінің әкімшілігі Алматы облысы және Жетісу облысы бойынша ҚАЖД қарасты №57 мекемесінде кәсіптік — техникалық колледж директоры Бақибаев Әлихан Қордабайұлын еске алуға арналған волейболдан турнир өткізілді.
Турнир Заречный кентіндегі түзеу мекемесінде орналасқан колледж оқытушылары мен шеберлері және Қонаев қаласындағы колледж оқытушылары арасында өтті.
Түзеу мекемесінде сотталғандарды кәсіптік оқытуды ұйымдастырудың бастамашыларының бірі Әлихан Қордабайұлы Бакибаев болған. Волейболдан жарысты тамашалауға Әлихан Қордабайұлының жары Сағира Жанғалиқызы, ұлы Мақсат, қызы Алина және немерелері де қатысты.
Жеңімпаз командалар I,II,III дәрежелі дипломдармен, медальдармен және бағалы сыйлықтармен марапатталды.
