18.10.2022 жылы «Сыр дидары»газетінің бас редакторы, салт -дәстүр танушы Сәкен Мінуарұлы ҚАЖ департаментінің 37 мекемесінде жазасын өтеушілермен кездесті. Кездесудің мақсаты-жазасын өтеушілерге ұлттық салт-дәстүрімізді,әдет-ғұрпымызды насихаттау, олардың санасына сіңіру болып табылады.
Сондай -ақ кездесуге Қызылорда облысының жұмыспен қамтуды үйлестіру басқармасының бас мамандары Сұлтан Сүлейменов, Әлихан Әбіласанов және «Жігер» қоғамдық бірлестігінің төрағасы Мұрат Джумадиллаев қатысты. Кездесуде Сәкен Мінуарұлы қазақ халқының салт-дәстүріне, әдет-ғұрпының тәрбиелік мәніне тоқталып, ұлттық болмысты сақтап қалу, құндылықтарды қастерлеу, ата дәстүрді дәріптеу, насихаттау – басты парызымыз екендігін айтты.
Кездесу барысында сотталғандар қазақ халқының салт-дәстүрлері туралы ой-пікірлерін ортаға салып,еркін форматта пікір алмасты. Шара соңында Сакен Мінуарұлы «Салт пен сана» атты кітабын таныстырып, мекеме кітапханасына және сотталғандарға тарту етті.