Алматы облысы және Жетісу облысы бойынша ҚАЖ Департаментіне қарасты №10 мекемесінде «Халықаралық қарттар күніне» арналған мерекелік іс шара ұйымдастырылды.
Мекеме клубында қарттарга арнап қазақ композиторы А.Қоразбаевтың «Қара шал» термесі негізінде қойылған театрланған көрініс көрсетілді. Қойылымнын сюжеті мен әртістердің өнері көрермендердің көңілінен шығып ерекше әсерге бөледі.
Концерттік бағдарламаны әжелер мен немерелер биі жалғастырып, қарт аналар үшін құттықтау әні орындалды.
Іс-шараның соңында қарт аналар мерекелік дастарханға шақырылды.
Мекеме әкімшілігі өз кезегінде қарттарды құттықтап, зор денсаулық тілеп, тезірек отбасыларына, балалары мен немерелеріне оралуына лебіздерін білдірді.
