Маңғыстау облысы бойынша ҚАЖД пробация қызметі бөлімінің ең басты міндеті — сотталғандарды қайта тәрбиелеу арқылы түзелу жолына түсуіне ықпал жасау.
Ағымдағы жылдың қыркүйек айының 28 жұлдызында Мұнайлы аудандық прокуратурасында «Бос жұмыс орындары» жәрмеңкесі өткізілді. Жәрмеңке мақсаты — жазасын өтеп жүргендерді еңбекпен қамту. Оған Мұнайлы ауданы бойынша Жұмыспен қамту және әлеуметтік құқықтық көмек көрсету бөлімі, сондай-ақ, пробация қызметінің есебінде тұрған 19 сотталған жұмыс іздеуші ретінде қатысты.
Іс- шарада жұмыс іздеушілерге құрылысшы, бетоншы, көмекші жұмысшы, тазалаушы, оператор, хатшы, аула сыпырушы және тағы да басқа бос жұмыс орындар ұсынылды.
Нәтижесінде 2 сотталған жұмысқа орналастырылды. Олардың бірі Халыққа қызмет көрсету орталығына, екіншісі «Маңғыстау Жылу» мекемесіне жүк көлігімен су тасушы болып жұмысқа орналасты. Қалған сотталғандар бос жұмыс орындарына жолдама алды.
