СҚО бойынша ҚАЖД командасы самбо күресінен жүлделі орынға ие болды

21-22 қыркүйек аралығында Петропавл қаласында «Динамо» дене шынықтыру-спорт қоғамының спартакиадасы аясында Солтүстік Қазақстан облысының күш құрылымдары арасында самбодан жарыс өтті.
Солтүстік Қазақстан облысы бойынша қылмыстық-атқару жүйесі Департаменті қызметкерлерінің командасы ІІІ орынды иеленді. 79 кг салмақ дәрежесінде ІІ орында «№50 мекеме» БҚБ қадағалау бойынша бақылаушысы әділет аға сержанты Қайырбек Өмірзақ жайғасты. 64 келі салмақ дәрежесінде «№48 мекеме» режимдік бөлімінің жедел уәкілі, әділет лейтенанты Серали Нұрболат ІІІ орынға ие болды.
14-16 қыркүйек аралығында Ақмола облысының Щучинск қаласында өткен самбо күресінен ҚР ІІМ ҚАЖ Комитеті қызметкерлері арасындағы X чемпионатта Серали Нұрболат 93 қатысушы арасында жоғарыда аталған салмақ дәрежесінде ІІ орынды иеленді.
«Мен бала кезімнен әртүрлі спорт түрлерімен айналысамын, бірақ негізінен жекпе-жекке баса назар аударамын. Мектепте және академияда оқып жүргенде барлық жарыстарға қатысуға тырыстым. Спорт менің өмірімнің ажырамас бөлігі деп сенімді түрде айта аламын. Мен үшін үлгі болып менің ағаларым болып табылады»,- дейді спортшы.