ШҚО ҚАЖ қызметкерлері Ахмет Байтұрсынұлының мерейтойына орай мекеменің жас қызметкерлері арасында викториналық сайыс өткізді.
Ұлт ұстазы Ахмет Байтұрсынұлының 150 жылдық мерейтойын атап өту үшін мекеменің жас қызметкерлеріне викториналық сұрақтар дайындалып, жастардың тарихымызды қаншалықты меңгергендіктерін анықтау еді.
Сайыс барысында жас буынның Ахмет Байтұрсынұлы ұлтымыздың ұлы тұлғаларының бірі, халқымыздың бейбіт те берекелі өмір сүруі үшін аянбай еңбек еткен, сол жолда басын бәйгеге тігіп, «тар жол, тайғақ кешуден» өткен тұғырлы қайраткер екенін еске алды.
Сонымен қатар Алаш баласының сауатын ашып, елімізді өркениетті мемлекеттердің қатарына қосуды мақсат тұтқанын, «Жұрт ұқпаса, ұқпасын жабықпаймын. Ел – бүгіншіл, Менікі – ертең үшін» деген Ахмет Байтұрсынұлы болашақ ұрпақ үшін қызмет еткенін атап өтті.
«Ахмет Байтұрсынұлы – ұлттық дамудың талай жыл тот басып қараусыз қалған тегершігін айналдырып, үздіксіз қозғалысқа қосып берген ертегінің ерлеріндей ерен тұлға. Туған халқының рухани жаңғыруын тап ондай біліп, сол жолда қалтқысыз қызмет етіп, мәңгі ескірмейтін мол мұра қосқан қайраткер қазақ даласында кемде кем», деді жас буын.
