Білім күні қарсаңында СҚО ҚАЖД Айыртау және Жамбыл аудандарының пробация қызметтері «Мектепке жол» қайырымдылық акциясын өткізді, оның мақсаты аз қамтылған және көп балалы отбасылардан шыққан оқушыларға, жетім және ата-анасының қамқорлығынсыз қалған балаларға материалдық және қаржылық көмек көрсету
Акция аясында пробация қызметінің қызметкерлері биыл ұлы 1 сыныпқа баратын көп балалы анаға және Преснов жалпы білім беру мектебінің 6 сынып оқушысына барып қайтты.
«Мұндай акцияларға тұрақты түрде қатысуға тырысамыз. 1 қыркүйек-мектеп оқушылары, әсіресе бірінші рет партаға отыратын балалар үшін өте маңызды күн. Мектеп жылдарында біз өзіміз жаңа дәптерлермен, күнделіктермен және кітаптармен мектепке баратын сәтті асыға күттік. Оқу жылының басталуына дейін тағы бірнеше отбасыға баруды жоспарлап отырмыз»,- деп атап өтті пробация қызметкерлері.
Пробация қызметкерлері балаларға мектепте жақсы оқу және тәртіпті сақтау қажеттілігі туралы айта кетіп, сатып алынған портфель, оқу құралдары мен кеңсе тауарларын табыс етті. Өз кезегінде оқушылар өздеріне көрсетілген көмекті ақтауға және тек «жақсы» және «өте жақсы» бағаларына оқуға тырысатындарын айтты.
