2022 жылғы 01 қыркүйектегі Мемлекет басшысы Қасым-Жомарт Кемелұлы Тоқаевтың Қазақстан халқына Жолдауын Қызылорда облысы бойынша ҚАЖ департаменті мен департаментке қарасты мекеме қызметкерлері тікелей көрсетілім арқылы тыңдады.
Президент ел дамуының барлық саласын қамтыған Жолдауында нақты міндеттер мен айқын мақсаттарымыз туралы кеңінен айтты. Жолдауда «Жаңа экономикалық саясат», «Ел болашағына арналған стратегиялық инвестиция», «Нақты секторды дамыту» «Мемлекет басқару ісін қайта жаңғырту.», «Заң және тәртіп» деген нақты бағдарларға тоқталды.
-Биыл біз жаңа кезеңге қадам бастық. Халқымыз жалпыұлттық референдумда саяси жаңғыру бағдарын қолдады. Конституциялық реформа Жаңа, Әділетті Қазақстанды құру жолындағы аса маңызды қадам болды. Еліміздегі саяси жаңғыру енді экономикалық өзгерістерге ұласуға тиіс.
Біз «Азамат – бизнес – мемлекет» арасындағы қатынасты түбегейлі өзгертеміз. Мемлекет, ең алдымен, бәріне бірдей мүмкіндік беріп, әділдік орнатады. Қоғам игілігіне арналған қызмет деңгейі жоғары болуына кепілдік береді. Әлеуметтік жағынан әлсіз топтағы азаматтарға қолдау көрсетеміз,- деді Мемлекет басшысы.
ҚАЖ қызметкерлері ҚР Президентінің Жолдауын осылайша мұқият тыңдап, толық қолдады.
Еліміздің ілгері дамуындағы ерекше орын алатын бұл жолдаудың да халық игілігі үшін берері мол.
Дана Достанова
Қызылорда облысы бойынша ҚАЖД
