Республикамызды демократиялық, зайырлы және құқықты ел ретінде айқындайтын басты құжаты – Конституция. Маңызды құжат еліміздің дамуына жол ашты. Тәуелсіз мемлекеттің басты тірегі болды.
Ата Заң – бейбітшілік пен ынтымаққа, еркіндік пен теңдікке апаратын даңғыл жол. Ел тыныштығының кепілі. Конституциялық заңнамаларға сәйкес барлық азаматтар тең құқылы. Егер олармен заң бұзушылық орын алса, жауапкершілікке тартылып, жалпыға бірдей тәртіпте шартты жазасын алады. Шиелі аудандық сотында 6 ай қорытындысы бойынша барлығы 1061 іс қаралып аяқталды.
Оның ішінде:
Қылмыстық іс бойынша 44 адамға қатысты 33 іс,
азаматтық іс бойынша 500 іс қаралған.
Әкімшілік құқық бұзушылық туралы 528 іс аяқталған.
Ата Заң — адам құқығы және бостандығының жоғары кепілі. Сондықтанда даулы мәселе туындаса халық сотқа жүгінеді. Заң аясында әділ шешім қабылдайтынына сенім білдіреді. Біздің басты мақсатымыз — ел сенімін ақтап, қалтқысыз адал қызмет ету.
Нұржан БЕКЕТАЕВ,
Шиелі аудандық сотының төрағасы, Қызылорда облысы
