Ғылым және жоғарғы білім министрі Саясат Нұрбек 2025 жылға дейін студенттердің шәкіртақысы екі есеге өсетінін мәлімдеді, деп хабарлайды Stan.kz ақпарат агенттігі.
«2025 жылға дейін студенттердің шәкіртақысы 2 есеге өседі. Ал магистранттар мен докторанттардың шәкіртақысы 1,5 есеге», — деді министр үкімет отырысында.
Саясат Нұрбектің сөзінше, дамыған елдерде жоғары білім алатындар бакалавриаттың 45-50%-на тең, ал магистратурада оқитындар 40%, докторантура 10%-на тең.
2021-2022 оқу жылындағы есепке сәйкес Қазақстанда 623 839 адам жоғарғы білім алып жатыр. Олар еліміздегі 120 университте оқиды.
