Орталық сайлау комиссия мүшелері Абай, Жетісу және Ұлытау облыстарынан Парламент Сенаты депутаттығына үміткерлер туралы айтты. Сайлау 24 тамызға белгіленген, — деп хабарлайды Tengrinews.kz тілшісі Орталық сайлау комиссияның баспасөз қызметіне сілтеме жасап.
Барлығы 6 мандатқа үш өңірден 33 кандидат ұсынылды. Жетісу облысында 2 кандидатты облыстың Алакөл және Кербұлақ аудандық мәслихаттары ұсынды, қалғаны — өзін-өзі ұсыну тәртібімен. Жетісу облысында бір кандидат және Абай облысында бір кандидат тіркелгенге дейін өз өтініші бойынша үміткерлігін алып тастады.
Қызмет салалары бойынша:
- 10-ы коммерциялық құрылымдар қызметкерілері;
- 12-і әкімдер мен мәслихаттар аппараттары қызметкерілері;
- 8-і мемлекеттік кәсіпорындар, мекемелер мен ұйымдар қызметкерлері;
- 1-і саяси партия мен ҮЕҰ-да қызмет етеді.
Кандидаттардың 24-і Amanat партиясының мүшесі; 1-і «Ақ Жол» ҚДП мүшесі; 2-і партиясыз; 4-і партияға қатыстылығын көрсетпеген.
Гендерлік құрамы бойынша: 10 әйел және 21 ер адам.
Ұсынылған 31 кандидаттың: 10-ы тіркеуге қажет барлық құжатты тапсырмағаны; 3-і өздерін қолдауға қажет қол санын ұсынбағаны анықталды.
2022 жылғы 3 тамыз бойынша барлығы 18 кандидат тіркелген (әр облыстан 6 адамнан).
Қызмет салалары бойынша:
- 11-і әкімдер мен мәслихаттар аппараттары қызметкерлері;
- 4-і коммерциялық құрылымдар қызметкерлері;
- 3-і мемлекеттік кәсіпорындардың, мекемелердің, ұйымдар қызметкерлері.
Кандидаттардың 14-і Amanat партиясының мүшелері; 4-і партияға қатыстылығын көрсетпеген.
Гендерлік құрамы бойынша: 5 әйел және 13 ер адам.
Абай, Жетісу және Ұлытау облыстарынан Қазақстан Республикасы Парламенті Сенатының депутаттығына кандидаттарды тіркеу 3 тамызда сағат 18.00-де аяқталды.
