Елімізде бір жылда азық-түлік бағасы 19,7%-ға өскен — Ұлттық статистика бюросы

Ұлттық статистика бюросы биыл шілде айында елімізде инфляция жылдық есептеуде – 15%, ал бір айда 1,1%-ға жеткенін мәлімдеді. Ал азық-түлік бағасы 2021 жылдың шілдесімен салыстырғанда 19,7%-ға өскен, деп хабарлайды Stan.kz ақпарат агенттігі. 

«2022 жылғы шілдеде азық-түлік тауарларының бағасы өткен жылғы шілдемен салыстырғанда 19,7% өсті. Сондай-ақ азық-түлікке жатпайтын тауарларға 14,2%, ақылы қызметтерге 9,2% көтерілді», – делінген бюро хабарламасында.

Бағаның айтарлықтай қымбаттауы қантқа (құмшекер) – 87,3%, пиязға – 71,7% және ұнға 36,6% тіркелді. Ал сәбіз бен қызылша бағасы керісінше, 29,6% және 25,2% төмендеді.

Мәселен, бір жылда қымбаттаған азық-түлік: 87,3% қант, 21,9% кондитерлік өнімдер, 71,7% басты пияз, 21,7% пастерленген сүт, 36,6% ұн, 20,5% салқындатылған сусындар, 33,0% макарон өнімдері, 18,3% жаңа піскен жемістер, 31,4% жармалар, 17,9% нан, 28,6% құс еті, 17,0% сары май, 27,4% тоқаш және ұн өнімдері, 16,7% шұжық өнімдері, 26,7% қатты ірімшік, 16,5% жылқы еті, 24,6% минералды және ас су, 14,8% темекі өнімдері, 24,5% қышқыл сүт өнімдері, 13,7% қой еті, 24,4% кептірілген жемістер мен жаңғақтар, 11,6% күнбағыс майы.

Сондай-ақ Ұлттық сатистика бюросының мәліметінше, биыл шілдеде (2021 жылғы шілдемен салыстырғанда азық-түлікке жатпайтын тауарлардың бағасы 14,2% қымбаттады. Соның ішінде жеке қолданысқа арналған тауарлар – 26,3%, жуу және тазалау заттары – 23,5%, тұрмыс құралдары – 22,6%, құрылыс материалдары – 20,5%, жиһаз және үйге қажетті заттар – 19,1%, автомобильдер– 15,2%, ыдыс – 14,8%, тоқыма бұйымдары – 11,5%, фармацевтикалық өнімдер 9,7% қымбаттады.

Бір жылда ақылы қызметтер бағасы 9,2% өсті. Мысалы, кешенді демалу ұйымдарына – 19,1%, қоғамдық тамақтандыру қызметтеріне – 16,8%, денсаулық сақтау қызметтеріне – 15%, санаторий қызметтеріне – 14,1%, шаштараз және жеке қызмет көрсету орындары қызметтеріне – 13%, қонақүй қызметтеріне 5,9% өсті. Жолаушылар көлігінде ақы 5,5% көтерілді. Бюроның Баға статистикасы департаментінің директоры Қуанышбек Жақыпбекұлының айтуынша, тұрғын үй-коммуналдық қызметтер саласында тарифтердің қымбаттауы да, төмендеуі де байқалады.

«Былтырғы шілдемен салыстырғанда өткен шілдеде электр қуатының құны – 2,4%, қоқыс шығару, тарату желілері арқылы тасымалданатын газ тарифі 1,8% жоғарылады. Ал орталықтан жылу беру қызметіне тариф 2,3%, ыстық суға 1,3%, суды бұру үшін 0,5% төмендеді», – дейді ол.

Мемлекет қазынасына ауыз салу елге жасалған ең ауыр қастандық – Президент 

Қасым-Жомарт Тоқаев Мемлекет қазынасына ауыз салу, Конституцияның талаптарын аяққа таптау – елге жасалған ең ауыр қастандық екенін айтты.

Послание в диалоге с гражданами 

ДЕПУТАТЫ КУРУЛТАЯ ОТ ВСЕХ ФРАКЦИЙ ПРОВЕЛИ 155 ВСТРЕЧ С...

Елімізде ағаштың кей түрлерін экспорттауға тыйым салынуы мүмкін 

ҚР Өнеркәсіп және құрылыс министрлігі тиісті бұйрық жобасын жариялап, 4 желтоқсанға дейін қоғамдық талқылауға ұсынды.

Қазақстан жылыжай көкөністерінің импортын арттырып келеді 

Ұлттық статистика бюросының (ҰСБ) мәліметінше, суық маусымда Қазақстанның импорттық көкөністерге деген қажеттілігі жоғары деңгейде қалып отыр. Өткен қыста шетелден жеткізілген қияр көлемі қараша және желтоқсан айларында күрт өскен. Бұл үрдіс 2026 жылдың алғашқы айларында да жалғасын тапты.

Ресей мен Украина бітімге келе ме: Қазақстан үшін келіссөздің маңызы қандай? 

Өткен аптада, тоғыз айлық үзілістен кейін, Украина мен Ресей АҚШ-тың делдалдығымен Абу-Дабиде келіссөз үстеліне қайта отырды. Екі күнге созылған кездесуде тараптар әскери тұтқындарды айырбастау жөнінде алдын ала уағдаласқанымен, аумақтық мәселе мен қауіпсіздік кепілдіктеріне қатысты ортақ шешімге келе алмады.