Президент Үкіметке биыл күзде қабылдануы мүмкін кадр мәселесіне қатысты шешімдерді ескертті, — деп хабарлайды Tengrinews.kz тілшісі.
Бұл туралы Мемлекет басшысы Үкіметтің кеңейтілген отырысында мәлімдеді. Онда ол Үкіметтің жұмысы туралы да айтты.
«Жалпы Үкіметтің жұмысына орташа деген баға беруге болады. Үкімет табандылық танытуға тырысып жатыр. Бірақ қазіргі кезеңде босаңсуға болмайды. Жұмыс қарқынын барынша күшейту қажет.
Жаңа, тың әдіс-тәсілдерді қолдану керек. Үкімет жедел әрекет ететін оперативтік штаб қана емес, нақты реформаларды ұсынатын және жүргізетін басты мемлекеттік мекеме болуы керек.
Қазақстанда экономис, кәсіпкер көп. Шетінен білімді, дарынды. Бірақ олардың нақты ұсыныстары аз, тіпті, жоқ деп айтуға болады. Күзге қарай, мүмкін, кадрлық шешімдер қабылдау керек болады. Ерекше дағдарыс жағдайында бұл өте қажет екені түсінікті», — деді Президент.
Айта кетейік, Үкіметтің кеңейтілген отырысында Тоқаев премьер-министрдің орынбасары — сауда және интеграция министрі Бақыт Сұлтанов пен ауыл шаруашылығы министрі Ербол Қарашөкеевке сөгіс жариялады.
