Бұл туралы Қызылорда облысы Полиция департаментінің баспасөз қызметі хабарлады. 23 маусым күні Қызылорда облысы ПД Есірткі қылмысына қарсы іс-қимыл басқармасының қызметкерлерімен «Қарасора — 2022» жедел — профилактикалық іс-шарасы кезінде синтетикалық есірткі заттарын Алматы қаласынан Қызылорда қаласына тасымалдаушы Алматы қаласының тұрғыны ұсталды.
Сараптама қорытындысына сәйкес, заттай дәлелдеме ретінде алынған зат жалпы салмағы шамамен 6 грамм болатын «мефедрон» препараты болып шықты.
Аталған дерек бойынша Қазақстан Республикасы Қылмыстық кодексінің 297-бабы 3-бөлігінің сотқа дейінгі тергеп-тексеру әрекеттері басталды.
Қазіргі таңда күдікті 20 жастағы азаматша Қызылорда қалалық Полиция басқармасының уақытша ұстау изоляторына қамаққа алынды.
Гүлбану МАҚАЖАН, Қызылорда облысы