10.06.2022 жылы Қызылорда облысы бойынша ҚАЖ департаментіне қарасты ЗК-169/4 мекемесінің бастығымен бекітілген жоспарға сәйкес өрт-тактикалық оқу жаттығуы өтті.
Аталмыш шара ЗК-169/4 мекемесінің аумағында ұйымдастырылды. Басты мақсат жеке құрамының өртті сөндіру кезіндегі тәжірибелік дағдыларын машықтау және тілсіз жаудың алдын алу болып табылады.
Жаттығудың тактикалық тұрғысына сәйкес, бүгін сағат тоғыз шамасында мекеме әкімшілігі аумағынан өрт шыққан. Мекеменің жеке құрамы төтенше жағдайға дереу дабыл қағып, жедел түрде мекеме бастығына, ҚАЖ департаментінің кезекші қызметіне және қалалық өрт сөндіру бөліміне хабарлайды.
Мекеме қызметкерлерінің және өрт сөндірушілердің келісілген іс-қимылдарының арқасында қызыл жалынның одан әрі таралуына жол берілмеді.
Шара соңында «Өрт қауіпсіздігін алдын алу және болдырмау» мақсатында өткізілген оқу-жаттығудан кейін қалалық өрт сөндіру бөлімінің қызметкерлерінің қатысуымен жеке құрамның іс-әрекетін қорытындылау жиыны өтті.
Дана Достанова
Қызылорда облысы бойынша ҚАЖД
