Сарапшылардың сөзінше, елімізде ең көп қымбаттаған тұрғын үй бағасы екен. Мысалы, Алматыда жаңа салынған үйдің бір шаршы метрі үшін 600 мың теңге сұрайды. Тек наурыз айында баға 70 мың теңгеге арзан болған. Ал астанада баспана құны тек 4,5%-ға көтерілген. Сарапшы Андрей Чеботаревтың сөзінше, құрылыс компаниялары жағдайдың тұрақты болатынына сенімді болмағандықтан, бағаны түсіруге асықпай отыр, деп хабарлайды Stan.kz ақпарат агенттігі Astana арнасына сілтеме жасап.
19 сәуірде доллар арзандап, теңгеге шаққандағы бағамы 443 теңге болған. Бұған мұнайдың қымбаттауы да айтарлықтай әсер еткен.
«Біріншіден, компаниялар теңгенің қаншалықты тұрақты болатынын білмейтін, былайша айтқанда ұлттық валютамызға сенбейді. Сондықтан бағаны түсіруге асықпайды. Екіншіден, Ресей рублі жасанды жағдайда нығайып келеді. Бірақ жасанды болғандықтан, келіп-кетер пайда жоқ. Біздің нарық Ресей нарығына әлі де әсер етеді. Рубльдің жасанды нығаюы экономикада бәрі жақсы дегенді білдірмейді», — деді экономикалық сарапшы Андрей Чеботарев.
Каспий құбыр желісі де үлкен маңызға ие. Премьер-министр орынбасары Ерұлан Жамаубаевтың сөзінше, құбыр желісінде болған апаттан келген шығын 100 миллиард теңгеден асуы мүмкін екен.
«Қазір нақты сандарды ешкім айта алмайды, себебі ақауды қанша уақытта жоятыны, қандай да санкция шараларының болу-болмауына байланысты. Әзірге 100-150 миллиард теңге деп айтуға болады. Егер тезірек жөнделсе, шығын да аз болады», — деді Ерұлан Жамаубаев.
