Шығыс Қазақстьан облысы бойынша Қылмыстық-атқару жүйесі департаментінің (ҚАЖД) Үржар аудандық №1 пробация қызметі Әкімшілік құқық бұзушылық туралы кодекісінің талаптарын орындау, азаматтардың өздерін қоғамдық орындарда дұрыс ұстауларын және кодекс талаптарын бұзған жағдайда салынатын айыппұл көлемі бойынша түсіндіру жұмыстарын жүргізді. Бұл жұмысты олар аудандық полиция бөлімінің жергілікті полиция қызметінің қызметкерлерімен бірлесе отырып қоғамнан оқшаулаумен байланысты емес жазаларға сотталған азаматтар арасында жүргізді. Онда азаматтардың әкімшілік құқық бұзушылықтарды жасамауы, жаза өтеу тәртібін, сонымен қатар өздеріне сот үкімімен қойылған заң талаптарын бұзбауы бағытында дәріс оқылды. Снда сондай-ақ, пробация қызметінің есебінде тұрған азаматтар тарапынан қойылған сұрақтарға жергілікті полиция қызметінің қызметкерлері мен пробация қызметкерлері жауап берді. Бұл бағыттағы жұмыстар енді алдағы уақытта да жалғасын табатын болады..
Қ.МУКАНОВ,
ШҚО бойынша ҚАЖД Үржар аудандық №1 ПҚБ инспекторы,
әділет майоры
