Олжас Тулеуов Стратегиялық жоспарлау және реформалар агенттігі төрағасының орынбасары қызметіне тағайындалды, — деп хабарлайды Tengrinews.kz тілшісі.
«Мемлекет басшысының өкімімен Олжас Аязбиұлы Тулеуов Қазақстан Республикасының Стратегиялық жоспарлау және реформалар агенттігі төрағасының орынбасары лауазымына тағайындалды», — делінген хабарламада.
Бұған дейін Олжас Тулеуов Ұлттық банк төрағасының кеңесшісі қызметінде болған. Сондай-ақ, ол «Еңбек ресурстарын дамыту орталығы» АҚ-да вице-президент қызметін атқарған.
