Мемлекет басшысы Қасым-Жомарт Тоқаев өскелең ұрпаққа жол ашу үшін барлық жағдайды жасау қажет екенін айта келе, 2022 жылды «Балалар жылы» деп жариялаған болатын. Жақсылық жасауды үрдіске айналдырған Қылмыстық-атқару жүйесі департаментінің ұжымы облыстық мамандандырылған сәбилер үйінде барып бүлдіршіндерге қуаныш сыйлап, сыйлықтар тарту етіп, қайырымдылық жасады.
«Не берсең де балаға бер, бала үшін жаса» — деген дана халқымыз. Бүгінгі бала елдің ертеңі, болашағы, ұлттың жалғасы. Келер күннің айнасы. Оларды қуанышқа бөлеу- біздің парызымыз. Қызылорда облысы бойынша ҚАЖ департаменті ұжымы дәстүрлі түрде мереке сайын балаларға қуаныш сыйлаймыз. Бүгін де сәбилерімізге ең қажетті ойыншықтар тарту еттік»,-деді департамент бастығы Ш.Есенкелдиев.
Бүгінде сәбилер үйінде жетім, ата-анасының қамқорлығынсыз қалған және ақыл-ойының дамуында ақаулықтар кездесетін 1-4 жас аралығындағы 50-ге жуық балалар тәрбиеленуде. Облыстық мамандандырылған сәбилер үйінің қызметкерлері департамент бастығы Шаймерден Тәжіқұлұлына және ұжым қызметкерлеріне сый-сияпаттары үшін алғысын білдірді.
Қызылорда облысы бойынша ҚАЖД
