Қасым-Жомарт Тоқаев Жолдауды жүзеге асыру мәселелері бойынша кеңес өткізді, — деп хабарлайды Tengrinews.kz тілшісі Ақорданың ресми сайтына сілтеме жасап.
Отырысқа премьер-министр, Парламент Мәжілісінің төрағасы, мемлекеттік хатшы, Президент Әкімшілігінің басшысы және оның орынбасарлары, сондай-ақ, Орталық сайлау комиссиясының төрағасы қатысты.
Мемлекет басшысы жиынға қатысушылардың ұсыныстарын тыңдап, биылғы Жолдауын іске асыру жөніндегі жалпыұлттық іс-шаралар жоспарын тиімді жүзеге асыруға бағытталған бірқатар тапсырма берді.
Еске салайық, бұған дейін Президент Қасым-Жомарт Тоқаев Жолдауды жүзеге асыру жоспарын бекіткені хабарланған болатын.
