Алматыда зардап шеккен бизнеске сауда орындары көмек беретін болды

Алматы қаласы әкімінің орынбасары Мақсат Кикимов сауда орталықтары тәртіпсіздік барысында зардап шеккен бизнеске қандай көмек берілетінін айтты, деп хабарлайды Stan.kz ақпарат агенттігі.

Ол бірқатар сауда орталықтары жалға алушыларына жеңілдіктер беретінін, кейбірі толықтай жалға алу төлемдерінен босататынын айтты.

Олардың ішінде, MOSKVA metropolitan Сауда орталығының зардап шеккен жалға алушылары үш айға төлемнен толығымен босатылды. Сондай-ақ, “Променад” сауда орталығы да осындай көмек ұсынады.

«Silk Way City» сауда орталығында үш нысан зардап шекті. Олардың ішінде бір нысан бір жылға жалдау ақысынан толығымен босатылды, ал қалған екеуіне жабдықтарын толықтай қалпына келтіреді.

Сол сияқты «Пассаж» сауда орталығы зардап шеккен 162 жалға алушыны бір айға төлемнен толығымен босатты. Қазіргі уақытта тағы бір айға босату мәселесі қосымша қарастырылуда.

«Asia Park» СОО нысанды іске қосқаннан кейін барлық жалға алушыларға үш айға 50% жеңілдік ұсынады.

«City Center» со екі жолды ұсынады: екі айға жалға алуға 50% жеңілдік немесе бір айға 100% жеңілдік.

«Арена» Сауда үйі зардап шеккен жалға алушыларды қаңтар айындағы төлемнен толығымен босатты.

«Сонымен қатар, Halyk Bank микро-бизнес секторынан зардап шеккен қарыз алушыларға 1 млн теңге көлемінде өтеусіз грант бөлу туралы шешім қабылдады. Ақша бизнесті қалпына келтіруге жұмсалады, шығын мөлшерін растау қажет емес», –  деді Кикимов.

Банк оларға 6 айға дейінгі мерзімге несие төлемдері бойынша несиелік демалыс береді.

Мемлекет қазынасына ауыз салу елге жасалған ең ауыр қастандық – Президент 

Қасым-Жомарт Тоқаев Мемлекет қазынасына ауыз салу, Конституцияның талаптарын аяққа таптау – елге жасалған ең ауыр қастандық екенін айтты.

Послание в диалоге с гражданами 

ДЕПУТАТЫ КУРУЛТАЯ ОТ ВСЕХ ФРАКЦИЙ ПРОВЕЛИ 155 ВСТРЕЧ С...

Елімізде ағаштың кей түрлерін экспорттауға тыйым салынуы мүмкін 

ҚР Өнеркәсіп және құрылыс министрлігі тиісті бұйрық жобасын жариялап, 4 желтоқсанға дейін қоғамдық талқылауға ұсынды.

Қазақстан жылыжай көкөністерінің импортын арттырып келеді 

Ұлттық статистика бюросының (ҰСБ) мәліметінше, суық маусымда Қазақстанның импорттық көкөністерге деген қажеттілігі жоғары деңгейде қалып отыр. Өткен қыста шетелден жеткізілген қияр көлемі қараша және желтоқсан айларында күрт өскен. Бұл үрдіс 2026 жылдың алғашқы айларында да жалғасын тапты.

Ресей мен Украина бітімге келе ме: Қазақстан үшін келіссөздің маңызы қандай? 

Өткен аптада, тоғыз айлық үзілістен кейін, Украина мен Ресей АҚШ-тың делдалдығымен Абу-Дабиде келіссөз үстеліне қайта отырды. Екі күнге созылған кездесуде тараптар әскери тұтқындарды айырбастау жөнінде алдын ала уағдаласқанымен, аумақтық мәселе мен қауіпсіздік кепілдіктеріне қатысты ортақ шешімге келе алмады.