Алматыдағы тәртіпсіздіктер: зардап шеккен кәсіпкерлерге қандай көмек көрсетіледі?

Алматы әкімі Бақытжан Сағынтаев жаппай тәртіпсіздік кезінде зардап шеккен кәсіпкерлерге қандай көмек көрсетілетінін айтты, — деп хабарлайды Tengrinews.kz тілшісі.

Кейінгі мәліметтер бойынша, тәртіпсіздіктер мен бүлік салдарынан 1600-ге жуық кәсіпкер зардап шеккен. Келтірілген шығын сомасы 67 миллиард теңгеге бағаланады. Оның 95 пайызы — шағын және орта бизнес. Шығын сомасы 43 миллиард теңге көлемінде болады.

Сағынтаевтың айтуынша, Үкімет комиссиясы кәсіпкерлерге келтірілген залалды өтеу жобасын әзірлеген. Алайда қосымша қаржылық және қаржылық емес қолдау көрсетілетіні де айтылды.

«Зардап шеккен ШОБ субъектілерін үш айға дейін коммуналды шығындардан босатамыз. ШОБ субъектілерін коммуналды нысандар бойынша жалға беруден алты ай мерзімге босатамыз. Жеке меншік жалға берушілермен, әсіресе, сауда орталықтарымен зардап шеккен кәсіпке жеңілдік көрсету бойынша келіссөздер жүргізіліп жатыр. Жалпы меншік иелерінің көпшілігі үндеуімізді қолдады. Silkway, «Пассаж» СО, ЦУМ және Moskva зардап шеккендерді төлемнен босатуға дайын екенін растады. Басқаларымен жұмыс жалғасып жатыр», — деп атап өтті Бақытжан Сағынтаев.

Әкімдік өкілі зардап шеккен кәсіптің коммуналды шығындары жергілікті бюджет есебінен төленетінін айтты. Ал жалға алу бойынша мәселелер жалға алушыға келтірілген залал мөлшеріне байланысты жеке шешіледі. Бұл жеңілдік көрсетілетін белгілі бір кезең бола ма немесе жалдаудан толық босатыла ма және қай кезеңге деген мәселелер қарастырылатыны айтылды. 

Сондай-ақ, Алматы әкімі зардап шеккен кәсіпкерлерге «Алматы» ӘКК-нің кепілдігімен немесе ішінара кепілдігімен жылдық 2 пайызбен айналым қаражатын толықтыруға 10 миллион теңгеге дейін несие берілетінін айтты.

«Бұдан басқа, кәсіпкерлердің өтініштері бойынша негізгі қарызды өтеуді шегеру, сондай-ақ «Алматы финанс» және Алматы МҚҰ алдында айыппұлдар мен өсімпұлдардан 180 күнге дейін босату ұсынылады. Қаланың барлық кәсіпкерін қолдау үшін несие берудің жоғары мерзімін жарты жылға ұлғайту қарастырылды және кепілсіз несие беру бойынша мөлшерлеме 12-ден 9 пайызға дейін төмендетілді», — деді ол.

Мемлекет қазынасына ауыз салу елге жасалған ең ауыр қастандық – Президент 

Қасым-Жомарт Тоқаев Мемлекет қазынасына ауыз салу, Конституцияның талаптарын аяққа таптау – елге жасалған ең ауыр қастандық екенін айтты.

Послание в диалоге с гражданами 

ДЕПУТАТЫ КУРУЛТАЯ ОТ ВСЕХ ФРАКЦИЙ ПРОВЕЛИ 155 ВСТРЕЧ С...

Елімізде ағаштың кей түрлерін экспорттауға тыйым салынуы мүмкін 

ҚР Өнеркәсіп және құрылыс министрлігі тиісті бұйрық жобасын жариялап, 4 желтоқсанға дейін қоғамдық талқылауға ұсынды.

Қазақстан жылыжай көкөністерінің импортын арттырып келеді 

Ұлттық статистика бюросының (ҰСБ) мәліметінше, суық маусымда Қазақстанның импорттық көкөністерге деген қажеттілігі жоғары деңгейде қалып отыр. Өткен қыста шетелден жеткізілген қияр көлемі қараша және желтоқсан айларында күрт өскен. Бұл үрдіс 2026 жылдың алғашқы айларында да жалғасын тапты.

Ресей мен Украина бітімге келе ме: Қазақстан үшін келіссөздің маңызы қандай? 

Өткен аптада, тоғыз айлық үзілістен кейін, Украина мен Ресей АҚШ-тың делдалдығымен Абу-Дабиде келіссөз үстеліне қайта отырды. Екі күнге созылған кездесуде тараптар әскери тұтқындарды айырбастау жөнінде алдын ала уағдаласқанымен, аумақтық мәселе мен қауіпсіздік кепілдіктеріне қатысты ортақ шешімге келе алмады.